Holanda ultimatum emigrantëve shqiptarë

22:31 | 7 Prill 2019
Trina Galanxhi

Holanda u ka bërë një thirrje të drejtpërdrejtë të gjithë shqiptarëve që duan të emigrojnë në vendet europiane në mënyrë të paligjshme.

Ministri i Shtetit për Drejtësinë dhe Sigurinë Mar Harbers ka dalë në terren ku ka realizuar një video, me të cilën autoritetet holandeze i bëjnë thirrje emigrantëve që të mos tentojnë të bëjnë emigracion të paligjshëm në vendet europiane, pasi tashmë janë marrë masa për ndalimin e tyre.

Nuk kishte se si të mungonte edhe një porosi për shqiptarët, të cilët sipas tij, nuk janë të paktë që tentojnë të ndjekin këtë rrugë. Ministri holandez pohoi se do të arrestohen të gjithë ata që tentojnë dhe pas kësaj, me avionin e radhës do të dërgohen në vendin e tyre të origjinës.

“Këtu do t’ju kapin dhe ne do t’ju përcjellim mbrapsht me avionin e radhës sa hap e mbyll sytë”, tha mes tjerash ministri në video, e cila është përkthyer edhe në gjuhën shqipe dhe është shpërndarë  në “Facebook” nga ambasada e Holandës në Tiranë./shqip/

Shpërndaje në rrjete sociale

Lajmet më të lexuara

Të ngjashme

Foto lajm